சொர்க்கம்

ஜன்னலுக்கு வெளியே

மழை

கம்பளிக்குள் சுருண்டுகொள்ளும்

அதிகாலைப் பொழுதுகள்

# சொர்க்கம்

பின்னிரவு

மழை பெய்து ஓய்ந்த

பின்னிரவு ஒன்றில்

உன் கைகோர்த்து

நடை பழகும்

தருணம்

சொர்க்கமாகவும்

இருக்கலாம் 

போய்விடு

என் இறுதி ஊர்வலத்தில்

நிச்சயமாய் கலந்துகொள்ளாதே

சிதறி கிடக்கும்

ரோஜா இதழ்கள் கூட

உன்னை நெருஞ்சி முள்ளாய்

தைத்துவிடும்.

விதி

என் விதி

உன்னிடம் சேர்த்தது.

முன் ஜென்ம

பாவமோ புண்ணியமோ..

விரக்தி

கொஞ்சம் பொறு

சிந்திவிடாதே

அந்த கடைசி துளி

காதலையும்...

புன்னகை

ஆயிரம் கூர்வாள்
தேவையில்லை
உன் ஒரு
வெட்க புன்னகை 
போதும்
நான் தோற்று விழ

மரணத்தின் வாசனை

மரணத்தின் வாசனை

கொடுமையானது

ஊதுபத்தி, பன்னீர்

ரோஜா மாலை

எல்லாவற்றையும் மீறி

ஒரு அழுத்தனமான வாசனை

இறந்தவரின் மீதிருந்தா

அழுபவர்களின் மீதிருந்தா

பாசமா? பாசாங்கா?

கண்ணீரின் உப்பும்

வலியும் வருத்தமும்

சில குரூர மகிழ்ச்சியும்

வஞ்சனையும்

கலந்து வீசும்

எது அதிகம்

பிரித்தறிய முடியவில்லை

இறந்தவரின் ஆன்மா

எங்கோ ஒரு ஓரத்தில் நின்று

இந்த வாசனையை

நுகர்ந்திருக்கலாம்..

அதன் சதவிகிதத்தை

கண்டறிந்திருக்கலாம்

சொல்வதற்கில்லை..

எந்தவொரு செயலையும் 
நாளைக்கு தள்ளிப்
போடுகிறவன் முட்டாள்
அதனால் இன்றே 
உனக்கு
முத்தம் தந்துவிடுகிறேன்..
நாளைக்கும் சேர்த்து....

நானும் ஒரு உயிர்

உரிமைகளை கேட்டால் பெண்ணியவாதி

ஆலோசனை கூறினால் திமிர் பிடித்தவள்..

தன்னம்பிக்கையோடு உலவுகையில் ஆணவம் கொண்டவள்

எனக்கான சுதந்திரம்

நஞ்சுக் கொடியோடு

அறுத்து எறியப்படுகிறது.

நான்

என் சுக துக்கங்களை விட்டுக்கொடுக்கவேண்டும்

உங்கள் கருத்துக்களோடு ஒத்துப்போகவேண்டும்

உங்களுக்கு மகிழ்ச்சி தரவேண்டும்

உங்களை காதலிக்கவேண்டும்

உங்கள் காதலை பெற பிரயத்தனப்படவேண்டும்

மீறினால் 

என் பெண்மையும்

கற்பும் சந்தேகத்திற்குள்ளாகும்

காலங்காலமாக பல நூறு

அக்னி பரிட்சைகள்

ராமனைக்காட்டிலும்

எவ்வளவோ உயர்ந்தவன் ராவணன்

எப்போது அறியப்படுவேன்

நானும் ஒரு மனித உயிர் என்று?

நச்சென்று ஒரு ஹச்

மிளகாய் நெடி தாங்காமல்

உன் சிறிய மூக்கை

கொஞ்சம் சுருக்கி

கண்களை சொருகி

செவ்விதழ் சிறிது திறந்து

ஹச் அல்ல

செம நச்சென்று தும்முகிறாய்

என் அடுத்த கவிதைக்கு

கரு தந்தமைக்கு

இச்சொன்று தருகிறேன்

மிளகாய்க்கு

ஆஹா! நிலா

எவ்வளவு அழகு

என்றாய் நீ

அடடே! யாரிவள்

நம் சொந்தமா

என்று சிந்தித்து

நிலவு

உன் நிழலில்

இருந்து

தான்

ஒளிபெற்றதோ

இந்த நிலவு?

எல்லா

காதல் கவிதைகளும்

ஒன்றுகூடி

வந்தது போல்

இருந்தது

உன் புன்னகை